الرجال معادن …

الرجال معادن ……
يا نازل السوق
يا تختار المليح يا بلاش
فيه راجل جدع وراجل جلاش
وفيه راجل ورق
وراجل خسيس خباص
وراجل يمسح الجوخ
وراجل يوجع النفوخ
وفيه راجل صوره
ع الحيط محطوطه
وخلاص
وفيه راجل عشرى وراجل كشرى
وراجل محسوب على الرجال بلاص
وراجل مرتشى وراجل هجاص
وفيه راجل يقول كلام باطل
فى حق الناس
وراجل يرمى اليمين وكأن بيته بلاش
وفيه راجل هباش وراجل نتاش
وراجل قش وراجل هش
وراجل يبيع الوطن ولحمه
ببلاش
وفيه راجل مبلول وراجل دلدول
وفيه راجل خلاصه
وراجل بيحب رقاصه
وفيه راجل حشاش
وراجل شمام
وراجل يلحس كلامه قبل ما ينام
وراجل شورته المدام
وفيه راجل كده مش تمام
وفى آلختام
وخلاصة الكلام
الرجال معادن زى الدهب بالقيراط
فارس
وحر
وأصيل
وتمام
وفيه راجل يخاف الله
ف خطوته
وعينه ع الوطن ما تنام
ودول أحسن الرجال

والله حلوة منك اخ فارس كل تحية مع تمنيات بلمزيد من تقدم ونجاح

مشكور على المرور الطيب

حلو كتير

مشكور على المرور

مشكورين على المرور